網紅的藏寶箱尋晚自己掹咗自己一個通宵，今朝先夠膽睇返尋晚嘅第一場直播。
其實為咗呢個直播花咗好多心機, 無論係介紹自己好喜歡嘅產品，又或者同方樹樑好用心準備嘅音樂，仲有現場靚靚錄音室嘅環境，最後都唔能夠用最好嘅方式送到俾大家。
作為一個工作多年嘅節目監製同埋主持絕對接受唔到尋晚嘅效果，雖然我對於網絡及製作影片仍然係學習階段 （一直都只係做幕前同埋創作），而做節目做表演做直播就係太多預計唔到嘅可能性發生，就如撞鬼一樣唔知點解剛剛遇着啱啱所有嘢一次過中晒，但呢啲對我嚟講都唔可以作為今次錯誤嘅藉口。
大家放心，我做好一個節目一直以來都只係要面對自己同埋支持我嘅觀眾，對不起咁多位，我會檢討！
#一雙手